Թուրքիայի նախագահ Ռեջեփ Թայիփ Էրդողանը կրկնել է, որ Գազայի հատվածի բնակիչներին վերաբնակեցնելու ամերիկյան նոր վարչակազմի կողմից հայտարարված ծրագրերն անընդունելի են, և Թուրքիան դա թույլ չի տա։
«Մենք խստորեն ընդգծել ենք, որ երբեք թույլ չենք տա իրականացնել Իսրայելի կողմից հրահրված ամերիկյան վարչակազմի անմարդկային, անօրինական ծրագրերը, որոնց նպատակը մեր եղբայրներին Գազայից վտարելն է իրենց հայրենիքից»,- ասել է Էրդողանը խորհրդարանում իշխող «Արդարություն և զարգացում» կուսակցության խմբակցության նիստում ունեցած ելույթի ժամանակ։
Փետրվարի 4-ին ԱՄՆ նախագահ Դոնալդ Թրամփը Իսրայելի վարչապետ Բենիամին Նեթանյահուի հետ համատեղ մամուլի ասուլիսում հայտարարեց, որ Վաշինգտոնը դիտարկում է Գազայի հատվածի երկարաժամկետ սեփականությունը՝ այն զարգացնելու համար՝ ի շահ Մերձավոր Արևելքում խաղաղության։
Նա հանդես է եկել պաղեստինցիներին անկլավից տարածաշրջանի այլ երկրներ տեղափոխելու օգտին: Արաբական երկրները, Իրանը և որոշ արևմտյան երկրներ դեմ են արտահայտվել ամերիկացի առաջնորդի գաղափարին, իսկ Եգիպտոսն ու Հորդանանը հայտարարել են, որ պատրաստվում են Գազայի վերականգնման այլընտրանքային ծրագիր, որը չի ներառում պաղեստինցիների վտարումը։
