Բելառուսի նախագահական ընտրությունների ձայների հաշվարկի ժամանակ ազգային դիտորդները խախտումներ չեն հայտնաբերել։ Այս մասին ասվում է Հանրային դիտորդական կենտրոնի Telegram ալիքի հաղորդագրության մեջ։
«Ընտրատեղամասերում ազգային դիտորդների տվյալների համաձայն՝ ձայների հաշվարկի ընթացքում խախտումներ չեն արձանագրվել»,- ասված է հաղորդագրությունում։
Դիտորդները նաև տեղեկացրել են, որ «եղել են առանձին դեպքեր, երբ քաղաքացի ընտրողները սադրանքների են ենթարկել ընտրական հանձնաժողովների անդամներին և խախտել հասարակական կարգը»։ «Հանձնաժողովներն արձագանքել են օրենքով սահմանված կարգով»,- նշել են նրանք։
Նախագահական ընտրությունների համար հավատարմագրվել է 44 հազար ազգային դիտորդ, որից ավելի քան 35 հազարը՝ հասարակական միավորումների և քաղաքական կուսակցությունների ներկայացուցիչներ։ Ընտրությունների ընթացքին հետեւել են նաեւ գրեթե 500 միջազգային դիտորդներ։
Բելառուսի Կենտրոնական ընտրական հանձնաժողովի նախնական տվյալներով՝ նախորդ օրը կայացած նախագահական ընտրություններում Ալեքսանդր Լուկաշենկոն ստացել է ձայների 86,82%-ը։
