Դամասկոսում տեղի են ունենում սիրիական ընդդիմության կողմնակիցների երթեր։ Մարդիկ հանրահավաքների են գալիս պաստառներով, դրոշներով ու զենքերով, այնուամենայնիվ իրավիճակը քաղաքում հանգիստ է, հայտնում է ՏԱՍՍ-ը։
Սիրիայի նախկին նախագահ Բաշար ալ-Ասադը, երկրի ղեկավարի պաշտոնը ազատելիս, ցուցումներ էր տվել իշխանությունը խաղաղ ճանապարհով փոխանցելու մասին։
Մուհամեդ ալ-Բաշիրը, ով 2024թ․ հունվարից գլխավորում է Իդլիբ նահանգում ընդդիմության կողմից ձևավորված այսպես կոչված «Փրկության կառավարությունը», հայտարարել է իր նշանակման մասին՝ Սիրիայի կառավարության ղեկավարի պաշտոնում անցումային շրջանի համար, որը կտևի մինչև 2025թ.-ի մարտի 1-ը։
