Սիրիայում քաղաքացիական պատերազմ և երկրի փլուզում կարող է տեղի ունենալ զինված ընդդիմության կողմից Դամասկոսի գրավումից հետո։
Նման կարծիք է հայտնել Իրանի արտգործնախարար Աբբաս Արաղչին։
«Մենք հետևում ենք Սիրիայում տեղի ունեցող զարգացումներին և չենք ցանկանում թույլ տալ, որ վախեր առաջանան, այդ մտավախությունները կապված են քաղաքացիական պատերազմի, Սիրիայի մասնակի կամ ամբողջական փլուզման և ահաբեկիչների ապաստարանի վերածվելու հնարավորության հետ։
Իրանի Իսլամական Հանրապետությունը հատկապես մտահոգված է Սիոնիստական ռեժիմի կողմից չարաշահումներով, որը երեկ երեկոյան որոշ գործողություններ է ձեռնարկել»,- հավելել է դիվանագետը։ Խոսքը իսրայելական բանակի ներխուժման մասին է Սիրիայի հետ սահմանին գտնվող բուֆերային գոտի, ինչի մասին Իսրայելի բանակը պաշտոնապես հայտարարեց դեկտեմբերի 8-ին։
Ինչպես պարզաբանել է Հրեական պետության վարչապետ Բենիամին Նեթանյահուն, այդ գործողությունները կատարվել են Արաբական Հանրապետությունում տեղի ունեցած վերջին իրադարձությունների կապակցությամբ և կրում են պաշտպանական բնույթ։
