Մի քանի հարյուր մարդ կրկին դուրս է եկել Թբիլիսիի խորհրդարանի շենքի մոտ՝ հակակառավարական ցույցի։ Այս մասին հայտնում է ՏԱՍՍ-ի թղթակիցը։
Մարդիկ հավաքվել են խորհրդարանի դիմացի հրապարակում, նրանցից ոմանք տարբեր առարկաներ են նետել խորհրդարանի գլխավոր մուտքի մոտ տեղադրված երկաթե ցանկապատի ուղղությամբ։
Ցուցարարները չեն փակել Ռուսթավելի պողոտան, որտեղ գտնվում է խորհրդարանի շենքը։ Շենքի շրջակայքում ոստիկանները պարեկություն են իրականացնում։ Անվտանգության ուժերի հետ բախումներ չկան։
Գիշերը ևս Ռուսթավելի պողոտայում հերթական հակակառավարական ցույցն է տեղի ունեցել։
Նոյեմբերի 28-ին Վրաստանում հակակառավարական ցույցերի հերթական ալիքը սկսվեց այն բանից հետո, երբ վարչապետ Իրակլի Կոբախիձեն հայտարարեց, որ իշխող «Վրացական երազանք-Ժողովրդավարական Վրաստան» կուսակցությունը որոշել է օրակարգում չընդգրկել Եվրամիությանն անդամակցելու շուրջ բանակցությունների հարցը մինչև 2028 թվականի ավարտը։
