Հնդկաստանը հետևում է Հարավային Կորեայի զարգացումներին և ակնկալում է իրավիճակի կայունացում։ Այս մասին ճեպազրույցում հայտարարել է Հնդկաստանի ԱԳՆ պաշտոնական ներկայացուցիչ Ռանդհիր Ջեյսվալը։
«Մենք ուշադիր հետևում ենք զարգացումներին և հուսով ենք, որ իրավիճակը երկրում շուտով կկայունանա»,- ասել է նա՝ պատասխանելով այն հարցին, թե ինչ է կատարվում Հարավային Կորեայում։
Հնդկաստանի արտաքին գործերի նախարարության ներկայացուցիչը նշել է, որ Նյու Դելին և Սեուլը «շատ կարևոր գործընկերություն ունեն».
«Մենք ունենք ամուր տնտեսական և քաղաքական հարաբերություններ, ներդրումային և առևտրային կապեր, պաշտպանության ոլորտում սերտ համագործակցություն, ինչպես նաև մարդկանց միջև կապեր Հարավային Կորեայում ապրում են մեծ թվով Հնդկաստանի քաղաքացիներ։
Մենք շարունակում ենք ուշադիր հետևել այս բոլոր իրադարձություններին, որպեսզի, եթե որևէ անկանխատեսելի հանգամանք ի հայտ գա, դրանք չկարողանան ազդել մեր քաղաքացիների անվտանգության և մեր շահերի վրա»,- ասել է հնդիկ դիվանագետը։
