ԱՄՆ նախագահ Ջո Բայդենը մտադիր է օգտագործել պետության ղեկավարի պաշտոնը թողնելուց առաջ մնացած ժամանակը` Ուկրաինային ապահովելու առավել շահեկան դիրքով։ Բայդենը մտադիր է ավելացնել զենքի մատակարարումները Ուկրաինային և նոր պատժամիջոցներ սահմանել Ռուսաստանի դեմ։
Այս մասին ասել է ԱՄՆ նախագահի ազգային անվտանգության հարցերով խորհրդական Ջեյք Սալիվանը, տեղեկանում ենք Սպիտակ տան պաշտոնական կայքում հրապարակված հաղորդագրությունից։ «Ռուսաստանի պատերազմական մեքենայի աշխատանքը խափանելու համար Միացյալ Նահանգները զգալի պատժամիջոցներ է սահմանել նրա ֆինանսական հատվածի նկատմամբ։
Դրանց կհաջորդեն ավելի շատ պատժամիջոցներ։ Նախագահը ձգտում է Ուկրաինային դնել հնարավորինս ամուր դիրքերում, և մենք կշարունակենք իրականացնել այս ռազմավարությունը՝ աջակցելով Ուկրաինային և նրա ազատության համար պայքարին», - ասել է Սալիվանը։
