Վրաստանի խորհրդարանը ձայների մեծամասնությամբ հաստատել է նախագահական ընտրությունների օրը՝ դեկտեմբերի 14-ին, ասվում է օրենսդիր մարմնի կայքում։
Վրաստանը հանրապետություն է կառավարման խորհրդարանական ձևով, գործադիր իշխանությունն իրականացնում է կառավարությունը՝ վարչապետի գլխավորությամբ։ Պետության ղեկավարը նախագահն է, որին առաջին անգամ կընտրի 300 հոգանոց ընտրական կոլեգիան։
Այս մարմնի կազմի կեսը լինելու են խորհրդարանականները, մնացածը կներկայացնեն մարզերի պատվիրակներ։
Ներկայիս նախագահ Սալոմե Զուրաբիշվիլին աջակցում է ընդդիմությանը և նրա հետ միասին չի ճանաչում հոկտեմբերի 26-ին կայացած խորհրդարանական ընտրությունների արդյունքները, որոնցում հաղթել է իշխող «Վրացական երազանք» կուսակցությունը։
Զուրաբիշվիլին պետության վերջին ղեկավարն է, որն ուղղակիորեն ընտրվել է վեց տարի ժամկետով։
Նախկինում նա չէր բացառել, որ կառաջադրվի նախագահի պաշտոնում երկրորդ ժամկետով։
