Իսրայելի զինվորականները խորհուրդ են տվել քաղաքի հարավային ծայրամասում գտնվող Թահվիտա ալ-Գադիր շրջանի և Բուրջ ալ-Բարաջնա փախստականների ճամբարի բնակիչներին շտապ տարհանել անվտանգ վայր՝ կապված առաջիկա ավիահարվածների հետ:
Իսրայելի բանակի խոսնակ Ավիչայ Էդրին X-ում նախազգուշացրել է Բեյրութում գտնվող շիական Հեզբոլլահի կասկածյալ կառույցների վրա սպասվող ավիահարվածի մասին: Նա տեղադրել է քարտեզներ, որոնց վրա նշված են այն վայրերը, որոնց հարվածելու են:
«Ձեր և ձեր ընտանիքի անդամների անվտանգության համար անհրաժեշտ է անհապաղ լքել Թահվիտա ալ-Գադիր տարածքը, Բուրջ ալ-Բարաջնեի մի քանի թաղամասեր և պահպանել դրանցից առնվազն 500 մ հեռավորություն», - ասվում է հաղորդագրության մեջ: Իսրայելական բանակը մոտ ապագայում ինտենսիվ գործողություններ կսկսի այդ տարածքների դեմ»։
Ենթադրվում է, որ իսրայելական օդուժը հարվածներ կհասցնի մայրաքաղաքի հարավային մասում գտնվող վեց շենքերի։
