Հնդկաստանի պաշտոնյաները մշտապես կապի մեջ են Ռուսաստանի և Ուկրաինայի հետ՝ ուկրաինական հակամարտությունը երկխոսության միջոցով լուծելու ուղիներ գտնելու համար։ Այս մասին ՏԱՍՍ-ի փոխանցմամբ՝ Հռոմում «Միջերկրածովյան երկխոսություններ» միջազգային համաժողովի ժամանակ ասել է Հնդկաստանի արտգործնախարար Սուբրամանյամ Ջայշանքարը։
«Ուկրաինայի հակամարտությունը հրատապ պահանջ է, որը շարունակվում է արդեն 3-րդ տարին մարտի դաշտում»,- ասել է նա։
Ջայշանքարի խոսքով՝ «անհրաժեշտություն կա վերադառնալու երկխոսությանն ու դիվանագիտությանը, որքան շուտ, այնքան լավ»։
«Դա լայնորեն տարածված տեսակետ է այսօր աշխարհում», - ասել է նա:
Հնդկաստանի արտգործնախարարը հիշեցրել է, որ հունիսից հարավասիական հանրապետության վարչապետ Նարենդրա Մոդին «այդ նպատակով անձամբ շփվում է Ռուսաստանի և Ուկրաինայի առաջնորդների հետ»։
