ԱՄՆ զինված ուժերը հարվածել են Իրանի Խարգ կղզու և Ջասկ քաղաքի մոտակայքում գտնվող թիրախներին, հայտնել է Fox News-ի լրագրող Ջենիֆեր Գրիֆին՝ հղում անելով աղբյուրներին։ «ԱՄՆ բարձրաստիճան պաշտոնյաները Fox-ին հայտնել են, որ ԱՄՆ զինված ուժերը հարվածել են Խարգ կղզու և Ջասկի մոտակայքում գտնվող թիրախներին։
Թիրախների թվում եղել են իրանական նավթատարներ», – գրել է նա իր X սոցիալական ցանցի էջում։
Ավելի վաղ Tasnim լրատվական գործակալությունը հայտնել էր, որ ԱՄՆ զինված ուժերը հարձակվել են Խարգ կղզու մոտ խարսխված իրանական նավթատարի վրա։ Գործակալության տվյալներով՝ զոհեր չկան, անձնակազմը տարհանվում է։
