Ուկրաինան հայտարարել է Վլադիմիր Զելենսկու և ԱՄՆ ընտրված նախագահ, հանրապետական Դոնալդ Թրամփի հանդիպման նախապատրաստման մասին։
Այս մասին գրում է Բլումբերգ Ուկրաինայի ԱԳՆ ղեկավար Անդրեյ Սիբիգային հղումով. «Քննարկվել են ղեկավարության մակարդակով ապագա հնարավոր շփումները, և որոշվել է, որ թիմերը կսկսեն նախապատրաստական աշխատանքները նման հանդիպում կազմակերպելու համար», - մեջբերում է գործակալությունը Սիբիգայի խոսքերը։ Չի նշվում՝ այս հանդիպումը տեղի կունենա հունվարին Թրամփի երդմնակալությունից առաջ, թե հետո։ Ավելի վաղ հայտնի էր դարձել, որ ամերիկացի գործարար Իլոն Մասկը մասնակցել է Դոնալդ Թրամփի և Վլադիմիր Զելենսկու զրույցին։
