Ադրբեջանը լրջորեն քննարկում է Եվրոպայի խորհրդից մշտական դուրս գալու հարցը։ Այս մասին հայտարարել է Ադրբեջանի նախագահ Իլհամ Ալիևը՝ «Լրատվամիջոցների առաքելությունը խաղաղության խթանման գործում. ճշմարտության և վստահության վերականգնում» խորագրով Շուշայի 4-րդ գլոբալ մեդիա ֆորումի բացման ժամանակ։
«Անկեղծորեն կասեմ. Ադրբեջանը լրջորեն քննարկում է այս կազմակերպությունից ամբողջական դուրս գալու հարցը։ Խոսքը անդամակցությունը կասեցնելու կամ սառեցնելու մասին չէ. մենք անպայման քննարկում ենք մշտական դուրս գալու հնարավորությունը։ Եվրոպայի խորհրդի գլխավոր քարտուղարը կապ է հաստատել ինձ հետ և խնդրել է չանել դա և գտնել իրավիճակը բարելավելու միջոց», - ասել է Ալիևը։
Ըստ նրա, եթե Ադրբեջանը ամբողջությամբ դուրս գա Եվրոպայի խորհրդից, ոչ ոք չի նկատի։ «Այլ կերպ ասած, այստեղ քիչ բան կփոխվի։ Հնարավոր է՝ նույնիսկ ավելի լավ լինի։
Մենք չենք ձգտում բախման։ Ադրբեջանին կողմնակալ են վերաբերվում, և նրանց պնդումները անհիմն են», - ընդգծել է պետության ղեկավարը։
