Հայաստանում ընտրություններն անցել են ընդդիմության վրա աննախադեպ ճնշումների և Արևմուտքի կողմից միջամտության մթնոլորտում: Այս մասին հայտնել է Զախարովան, հաղորդում է ՏԱՍՍ-ը: Նա նաև նշել է, որ Ռուսաստանը մտադիր է Հայաստանի նկատմամբ իր կուրսը կառուցել՝ հաշվի առնելով հայաստանյան ղեկավարության իրական քայլերը։
Ընտրությունների արդյունքներով Հայաստանում Փաշինյանի «Քաղաքացիական պայմանագիր» կուսակցության աջակցությունը նկատելիորեն նվազել է։ Զախարովան հայտարարել է, որ Մոսկվայում միշտ շահագրգռված են եղել և կլինեն ուժեղ ու իսկապես ինքնիշխան Հայաստանով։
Նրա կարծիքով՝ Հայաստանում կայացած ընտրությունները հստակ ցույց տվեցին, որ հայ հասարակությունը ծայրահեղ բևեռացված է։ Հայ հասարակության մեջ ակնհայտ է ՌԴ-ի հետ կապերի զարգացման և ԵԱՏՄ-ում Հայաստանի հետագա անդամակցության լայն պահանջարկը։ Զախարովան հայտարարել է, որ հայ ժողովուրդը ՌԴ-ի համար եղբայրական է, Ռուսաստանը նրան խաղաղություն և բարգավաճում է մաղթում։
