CBS News-ը՝ հղում անելով աղբյուրներին, հաղորդում է, որ Իրանը, հնարավոր է, ռազմական և քաղաքացիական ինքնաթիռներ է տեղափոխել Պակիստան և Աֆղանստան՝ դրանք ԱՄՆ-ի հնարավոր հարվածներից պաշտպանելու համար։
Հեռուստաալիքի տվյալներով՝ իրանական ռազմական ինքնաթիռները տեղակայվել են Իսլամաբադից հարավ գտնվող Պակիստանի Նուր Խան ռազմաօդային բազայում։ Հեռուստաալիքի աղբյուրները նշել են, որ այնտեղ տեղակայվել է նաև իրանական RC-130՝ C-130 ռազմական տրանսպորտային ինքնաթիռ, որը վերափոխվել է հետախուզական առաքելությունների։
Հեռուստաալիքի աղբյուրների տվյալներով՝ ռազմական գործողությունների սկսվելուց կարճ ժամանակ առաջ իրանական Mahan Air ավիաընկերությունը իր մի քանի ինքնաթիռներ տեղափոխել է Քաբուլ, որոնք մնացել են այնտեղ Իրանի օդային տարածքի փակումից հետո։ Սակայն, Պակիստանի և Աֆղանստանի միջև մարտական գործողությունների պատճառով, այդ ինքնաթիռները շուտով տեղափոխվել են Աֆղանստանի Հերաթ օդանավակայան, որը գտնվում է Իրանի հետ սահմանին։ Այնուամենայնիվ, «Թալիբան» շարժման կառավարության խոսնակ Զաբիհուլլահ Մուջահիդը CBS News-ին տված մեկնաբանության մեջ հերքել է այս տեղեկությունը։
