Էկոնոմիկայի նախարար Գևորգ Պապոյանը կարծում է, որ Հայաստանը միայնակ կարողանում է իր շահն առաջ տանել և դրա «ամենամեծ օրինակը» սահմանազատման գործընթացն է։
«Հայաստանը ստացավ պետական սահման՝ կոնկրետ հատվածում»,- լրագրողների հետ զրույցում ասել է նա։
Ըստ Պապոյանի՝ սահմանազատման ու սահմանագծման բանակցություններում անպայման քննարկվելու է Ադրբեջանի՝ ՀՀ օկուպացված տարածքներից դուրս գալու հարցը։
«Այսօր, վաղը, թե երկու տարի հետո․ ո՞ր փուլում կհասնենք՝ չեմ կարող ասել, բայց, երբ մենք խոսում ենք սահմանազատման մասին՝ նշանակում է հյուսիս-արևելյան ամենավերևի կետից մինչև հարավ-արևելյան ամենաներքևի կետ, այնուհետև Նախիջանի ամբողջ սահման- ՀՀ պետական սահման, բոլոր հարցերը պետք է քննարկվեն»,- հավելեց նա։
