Չնայած տարաձայնություններին և Հունգարիայի կողմից բոլոր պատժամիջոցները արգելափակելու հայտարարված մտադրությանը, ԵՄ երկրները նախատեսում են երկուշաբթի օրը համաձայնության գալ Ռուսաստանի դեմ պատժամիջոցների նոր՝ 20-րդ փաթեթի շուրջ։Անցյալ շաբաթվա վերջին ԵՄ անդամ պետությունների մշտական ներկայացուցիչները չկարողացան տեխնիկական համաձայնության գալ պատժամիջոցների փաթեթի վերաբերյալ, չնայած ուրբաթ օրը ամբողջ օրը և մինչև երեկո շարունակված քննարկումներին։
Լավատեղյակ եվրոպական աղբյուրը «ՌԻԱ Նովոստի»-ին հայտնել է, որ պատժամիջոցների տեքստը մեծ մասամբ համաձայնեցված է և «կայուն» է, սակայն տարաձայնությունները մնացել են, և մշտական ներկայացուցիչները պլանավորում են լրացուցիչ հանդիպում անցկացնել հանգստյան օրերին։
Սակայն նման հանդիպման մասին չի հայտարարվել, հավանաբար, Հունգարիայի կատեգորիկ դիրքորոշման պատճառով։ Միևնույն ժամանակ, Հունգարիայի արտաքին գործերի նախարար Պետեր Սիյարտոն կիրակի օրը հայտարարեց, որ Բուդապեշտը կարգելափակի պատժամիջոցների փաթեթը և Ուկրաինային տրամադրվող 90 միլիարդ եվրոյի վարկը։
Հունգարիան Ուկրաինայի՝ ԵՄ-ին մատակարարումները չվերսկսելու որոշումը որակում է որպես «քաղաքական շանտաժ»:ԵՄ-ն նպատակ ունի սահմանափակումների նոր փուլ մտցնել երեքշաբթի օրը, ուստի, երկուշաբթի օրը կայանալիք արտաքին գործերի նախարարների հանդիպմանը դժվար բանակցություններ են սպասվում։
