Լեհաստանը կկարողանա ականապատել Ռուսաստանի և Բելառուսի հետ իր սահմանները 48 ժամվա ընթացքում՝ սպառնալիքի դեպքում, հայտարարել է Լեհաստանի վարչապետ Դոնալդ Տուսկը։
«Ցանկանում եմ տեղեկացնել ձեզ, որ այս պահի դրությամբ Լեհաստանը դուրս է գալիս Օտտավայի կոնվենցիայից», - ասել է Տուսկը TVP Info-ի կողմից հեռարձակված մամուլի ասուլիսում։
«Արևելյան վահան նախագծի շրջանակներում մենք կստանանք Լեհաստանի սահմանը ականապատելու հնարավորություն 48 ժամվա ընթացքում՝ սպառնալիքի դեպքում», - ընդգծել է Լեհաստանի վարչապետը։
Փետրվարի 20-ին Լեհաստանը պաշտոնապես դուրս կգա Օտտավայի կոնվենցիայից, որն արգելում է հակահետևակային ականների օգտագործումը, արտադրությունը և կուտակումը։ Հունվարին Լեհաստանի պաշտպանության փոխնախարար Չեզարի Տոմչիկը հայտարարել է, որ կոնվենցիայից դուրս գալուց հետո Լեհաստանը չի մտադիրվում մշտապես հակահետևակային ականներ տեղակայել իր արևելյան սահմանին և ականապատ դաշտեր տեղադրելու մասին քննարկում է միայն սպառնալիքի դեպքում։
