Բելառուսի նախագահ Ալեքսանդր Լուկաշենկոն հայտարարել է, որ ինքը առաջարկ ունի ԱՄՆ նախագահ Դոնալդ Թրամփին՝ Վենեսուելայի շուրջ ստեղծված իրավիճակը կարգավորելու վերաբերյալ։
«Ես առաջարկ ունեմ այս իրավիճակից դուրս գալու համար։ Եվ եթե նրանք ցանկանում են այն լուծել արժանապատվորեն և նրբանկատորեն, մենք պատրաստ ենք համագործակցել Դոնալդի հետ այս ուղղությամբ», - ասել է նա Միութենական պետության պետքարտուղար Սերգեյ Գլազևի հետ հանդիպման ժամանակ։
Բելառուսի առաջնորդի խոսքերը մեջբերել է «Բելտա» լրատվական գործակալությունը։
Լուկաշենկոն նշել է, որ ԱՄՆ նախագահը պրագմատիկ մարդ է։ «Ես նույնպես։ Հետևաբար, կարծում եմ, որ մենք կքննարկենք այս հարցը։ Ես չեմ ուզում ասել, որ ես այստեղ գլխավոր խորհրդականն եմ և կարող եմ նրա հետ ինչ-որ խնդիր լուծել։ Ոչ։ Բայց ես կարող եմ արտահայտել իմ տեսակետը», - շարունակել է Լուկաշենկոն։ Նա նաև քննադատել է ԱՄՆ-ի գործողությունները։«Նրանք իրականացրեցին ինչ-որ գործողություն, գերի վերցրին մի մարդու։ Հետո՞ ինչ։ Նրանք ամբողջ աշխարհին ցույց տվեցին, թե ով ով է։ Բայց գլխավորն այն է, թե ինչն է հաջորդը։ Ահա թե ինչու սա դեռևս քննարկման թեմա է Ամերիկայի Միացյալ Նահանգների ղեկավարության հետ», - ասել է բելառուս առաջնորդը։
