Իսրայելը պահանջում է ոչ միայն դադարեցնել Իրանի ուրանի հարստացման գործընթացը, այլև զրկել Թեհրանին նման գործունեություն ծավալելու ցանկացած հնարավորությունից։ Այս մասին հայտարարել է Իսրայելի վարչապետ Բենիամին Նեթանյահուն Երուսաղեմում առաջատար ամերիկյան հրեական կազմակերպությունների ղեկավարների հետ հանդիպման ժամանակ։
Խոսելով ԱՄՆ նախագահ Դոնալդ Թրամփի հետ փետրվարի 11-ին կայացած բանակցությունների արդյունքների մասին՝ նա կրկին կասկածի տակ է դրել ԱՄՆ-ի և Իրանի միջև համաձայնագրի հեռանկարները։«Ես չեմ թաքցնի ձեզանից, որ ես կասկածամտություն եմ հայտնել Իրանի հետ ցանկացած համաձայնագրի վերաբերյալ։ Սակայն ես ասացի, որ եթե համաձայնագիր կնքվի, այն պետք է պարունակի մի քանի կետեր, որոնք մենք կարևոր ենք համարում ոչ միայն Իսրայելի, այլև Միացյալ Նահանգների, տարածաշրջանի և աշխարհի անվտանգության համար։
Նախ, բոլոր հարստացված նյութերը պետք է դուրս բերվեն Իրանից։Երկրորդ, չպետք է լինի հարստացման գործունեություն. ոչ թե հարստացման գործընթացի դադարեցում, այլ հարստացման հնարավորություն տվող սարքավորումների և ենթակառուցվածքների ապամոնտաժում։
Եվ երրորդ, պետք է լուծվի նաև բալիստիկ հրթիռների հարցը», – հայտարարել է Նեթանյահուն ըստ վարչապետի գրասենյակի կողմից տարածված հայտարարությունների։
