ԱՄՆ նախագահ Դոնալդ Թրամփը պատրաստ է հանդիպել Իրանի գերագույն առաջնորդ այաթոլլա Ալի Խամենեիի հետ, հայտարարել է ԱՄՆ պետքարտուղար Մարկո Ռուբիոն։
«Ես վստահ եմ, որ եթե այաթոլլա Խամենեին վաղը ասեր, որ ցանկանում է հանդիպել նախագահի հետ, նախագահը կհամաձայներ։ Ոչ թե որովհետև նա համաձայն է այաթոլլայի հետ, այլ որովհետև նա դա տեսնում է որպես աշխարհում առկա խնդիրները լուծելու միջոց և որևէ մեկի հետ հանդիպումը չի համարում զիջում», - ասել է նա Մյունխենի անվտանգության համաժողովի շրջանակներում Bloomberg-ին տված հարցազրույցում։
Փետրվարի 6-ին Մասկատում տեղի է ունեցել Իրանի և ԱՄՆ-ի միջև բանակցությունների նոր փուլ՝ Թեհրանի միջուկային ծրագրի շուրջ ստեղծված ճգնաժամի լուծման վերաբերյալ։
