Ղազախստանի միապալատ խորհրդարանի (Քուրուլթայ) ընտրությունները, նոր սահմանադրության նախագծի ընդունման դեպքում, կարող են հայտարարվել 2026 թվականի հուլիսին։ Այդ մասին նշվում է հիմնական օրենքի նախագծում, որը հրապարակվել է «Казахстанская правда» թերթում։
Փաստաթղթի նախագծի համաձայն՝ Ղազախստանի խորհրդարանը, որը ձևավորվել է 1995 թվականի օգոստոսի 30-ի սահմանադրության համաձայն, դադարեցնում է իր լիազորությունները 2026 թվականի հուլիսի 1-ին։
«Քուրուլթայի ընտրությունները պետք է հայտարարվեն Ղազախստանի Հանրապետության նախագահի կողմից մեկ ամսվա ընթացքում և անցկացվեն սահմանադրության ուժի մեջ մտնելու օրվանից երկու ամսվա ընթացքում», — նշվում է փաստաթղթում։
Նոր սահմանադրության նախագծի վերաբերյալ հանրապետական հանրաքվեն կանցկացվի մարտի 15-ին։ Հանրաքվեին դրված է մեկ հարց՝
«Ընդունո՞ւմ եք Ղազախստանի Հանրապետության նոր սահմանադրությունը, որի նախագիծը հրապարակվել է զանգվածային լրատվության միջոցներում 2026 թվականի փետրվարի 12-ին»։
