Axios պորտալը հաղորդում է, որ ԱՄՆ-ը նախատեսում է փետրվարի 19-ին Վաշինգտոնում անցկացնել Խաղաղության խորհրդի հանդիպում։ Սպիտակ տունը մտադիր է փետրվարի 19-ին Վաշինգտոնում կազմակերպել Գազայի հատվածի կարգավորման հարցերով Խաղաղության խորհրդի մասնակիցների հանդիպում։ Այս մասին հայտնում է Axios պորտալը։
Ըստ աղբյուրների՝ «Սպիտակ տունը փետրվարի 19-ին նախատեսում է Գազայի հատվածի վերաբերյալ Խաղաղության խորհրդի հանդիպում՝ առաջնորդների մակարդակով»։ «Սա կլինի Խաղաղության խորհրդի առաջին հանդիպումը և միաժամանակ Գազայի հատվածի վերակառուցման համար դրամահավաքի համաժողով», — հրապարակման մեջ մեջբերվում է ԱՄՆ պաշտոնյայի խոսքը։
Պորտալի տվյալներով՝ Սպիտակ տունը հույս ունի, որ հանդիպումը կնպաստի պաղեստինյան անկլավում կարգավորման ծրագրի երկրորդ փուլի իրականացմանը։
Վաշինգտոնի վարչակազմը փետրվարի 6-ից սկսել է կապեր հաստատել տասնյակ երկրների հետ՝ նրանց առաջնորդներին հրավիրելու և կազմակերպչական հարցերը քննարկելու նպատակով։ Այդ պետությունների ցանկը չի հրապարակվում։
Պորտալը նշում է, որ հանդիպման անցկացման հետ կապված ծրագրերը կարող են փոփոխվել։
Ինչպես հստակեցվում է հրապարակման մեջ, սպասվում է, որ փետրվարի 18-ին ԱՄՆ նախագահ Դոնալդ Թրամփը Սպիտակ տանը կընդունի Իսրայելի վարչապետ Բենիամին Նեթանյահուին։
