Կրեմլը հույս է հայտնում, որ Թեհրանի և Վաշինգտոնի միջև Իրանի միջուկային դոսյեի շուրջ բանակցությունները կլինեն արդյունավետ և կհանգեցնեն լարվածության թուլացման։ Այդ մասին լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք ողջունում ենք այն բանակցությունները, որոնք այժմ սկսվել են Օմանում, և ցանկանում ենք, որ դրանք լինեն արդյունավետ ու հնարավորություն տան հասնել տարածաշրջանում լարվածության դեէսկալացիայի», — ասել է նա։
«Քանի դեռ դա տեղի չի ունեցել, բնականաբար, մենք կցանկանայինք տեսնել զսպվածություն բոլոր շահագրգիռ պետությունների կողմից», — հավելել է Կրեմլի ներկայացուցիչը։
Փետրվարի 6-ին ԱՄՆ-ն և Իրանը Օմանում անցկացնում են բանակցություններ Թեհրանի միջուկային ծրագրի շուրջ։ Իրանական պատվիրակությունը գլխավորում է արտաքին գործերի նախարար Աբբաս Արաղչին, իսկ ամերիկյանը՝ ԱՄՆ նախագահի հատուկ բանագնաց Սթիվեն Ուիթքոֆը։
