Wildberries-ը՝ զբոսաշրջային օպերատոր Fun&Sun-ի հետ, Թուրքիայում բացում է իր բրենդի ներքո գործող առաջին հյուրանոցը՝ WB Travel անվամբ։ Առաջին հյուրերի ընդունումը նախատեսվում է սկսել մայիսի 1-ին։ Այդ մասին ասվում է Wildberries&Russ միավորված ընկերության մամուլի հաղորդագրությունում։
«RWB ընկերության (Wildberries & Russ միավորված ընկերություն) WB Travel ծառայությունը՝ ռազմավարական գործընկեր Fun&Sun զբոսաշրջային օպերատորի հետ, Թուրքիայում բացում է WB Travel բրենդի ներքո գործող հյուրանոց։ Ճանապարհորդները արդեն կարող են համար ամրագրել Wildberries հավելվածի և Fun&aSun կայքի միջոցով», — նշվում է հաղորդագրությունում։
Հունվարին ընկերությունը հայտարարել էր Եգիպտոսում իր բրենդի ներքո գործող առաջին հյուրանոցի բացման մասին։ Այն կսկսի ընդունել հյուրերին 2026 թվականի փետրվարի 15-ից։
