Բելառուսի նախագահ Ալեքսանդր Լուկաշենկոն հայտարարել է, որ Մինսկն ու Աստանան չպետք է կորցնեն միմյանց «այս խելահեղ աշխարհում»։ Այդ մասին հաղորդել է ԲԵԼՏԱ գործակալությունը։
«Ես շատ կխնդրեի ձեզ՝ մենք չպետք է կորցնենք միմյանց», — ասել է բելառուսական առաջնորդը Ղազախստանի խորհրդարանի ստորին պալատի՝ Մաժիլիսի նախագահ Երլան Կոշանովի հետ հանդիպման ժամանակ։
«Այսօր ոչ մի երկիր, նույնիսկ Ամերիկան, չի կարող զարգանալ անկախ մյուսներից։ Այդ պատճառով առաջարկում եմ՝ եկեք այս խելահեղ աշխարհում չկորցնենք միմյանց», — ընդգծել է նա։
Նախագահը նաև ուշադրություն է դարձրել երկու երկրների միջև ապրանքաշրջանառության աճին։
«Ինչպես միշտ եմ ասում, հիմքը առևտուրն է։ Եվ պետք է նշել, որ ես ժամանակին երազում էի, որ Ղազախստանի հետ կհասնենք մոտ մեկ միլիարդ դոլարի ապրանքաշրջանառության։ Այսօր, հաշվարկներով, արդեն ունենք մեկ միլիարդ և ավելին։ Բայց դեռ կա ձգտելու տեղ։ Մենք բարձր տեխնոլոգիական երկիր ենք», — հայտարարել է Լուկաշենկոն։
