Իրանի և Միացյալ Նահանգների միջև իրավիճակը պայթյունավտանգ է, իսկ Ռուսաստանը չի պարտադրում իրեն որպես միջնորդ, սակայն Մերձավոր Արևելքում ստեղծված իրադրությունը նրա համար անտարբեր չէ։ Այդ մասին RT հեռուստաալիքին տված հարցազրույցում հայտարարել է Ռուսաստանի Դաշնության արտաքին գործերի նախարար Սերգեյ Լավրովը։
«Այս պահին մենք մեզ չենք պարտադրում որպես միջնորդ Իրանի, Իսրայելի կամ Միացյալ Նահանգների համար։ Մեր շփումների ընթացքում պարզապես քննարկում ենք ստեղծված իրավիճակը։ Իրանը մեր մոտ գործընկերն է, մեր հարևանը։ Մեզ համար մեկ չէ, թե ինչպես կզարգանա իրավիճակը։ Առավել ևս, որ այն պայթյունավտանգ է ոչ միայն Իրանի շուրջ, այլև ամբողջ Մերձավոր և Միջին Արևելքի համար», – ասել է նախարարը։
Լավրովը հավելել է, որ տարածաշրջանում «չափազանց շատ են դանդաղ գործող ականները», որոնք միայն սպասում են, որպեսզի դրանց վրա «անհաջող քայլ արվի»։
«Իրանացիներն ու իսրայելցիները գիտեն, որ մենք կրկին պատրաստ ենք առաջարկել մեր ծառայությունները՝ այն մասով, որը վերաբերում է ձեռք բերված պայմանավորվածությունների կատարմանը նպաստելուն՝ հույս ունենալով, որ դրանք երբևէ կամ եթե ձեռք բերվեն», – ընդգծել է նա։
