Ն.Ս.Օ.Տ.Տ. Մեծի Տանն Կիլիկիո կաթողիկոս Արամ Ա-ն նամակ է հղել ԱՄՆ փոխնախագահ Ջեյ Դի Վենսին՝ Բաքվում ապօրինաբար պահվող հայ գերիների ազատ արձակման հարցով։ Այս մասին հայտնում են Մեծի տանն Կիլիկո կաթողիկոսությունից։
ԱՄՆ փոխնախագահ Ջեյ Դի Վենսին օրեր առաջ գրած հատուկ նամակով Արամ Ա կաթողիկոսը նրա ուշադրությունն է հրավիրել Բաքվի բանտում ապօրինաբար պահվող Արցախի ռազմաքաղաքական ղեկավարների և մյուս հայ գերիների ազատ արձակման, ինչպես նաև Արցախի հոգևոր-մշակութային կաթողների անվնաս պահպանման հարցերի վրա՝ դիմելով նրա անձնական միջամտությանը։
Նամակում Վեհափառ Հայրապետը նաև հիշեցրել է, որ միջազգային օրենքը հստակորեն շեշտում է թե ռազմագերիների աազատ արձակման, թե հոգևոր- մշակութային կոթողների պաշտպանության կարևորությունը։
Հիշեցնենք, որ ԱՄՆ փոխնախագահն առաջիկայում այցելելու է Հայաստան և Ադրբեջան։
