Վաշինգտոնի վարչակազմը ավարտել է Վենեսուելայի իշխանություններին 500 միլիոն դոլարի փոխանցումը, որը ստացվել է հանրապետությունից նավթի խմբաքանակի վաճառքի արդյունքում։ Այդ մասին երեքշաբթի հաղորդել է Reuters գործակալությունը՝ հղում անելով ԱՄՆ պաշտոնյայի։
«Վենեսուելան պաշտոնապես ստացել է վենեսուելական նավթի առաջին վաճառքից ստացված ամբողջ 500 միլիոն դոլարը», — նշել է պաշտոնյան։ Նա վստահեցրել է, որ այդ միջոցները պետք է «բաշխվեն վենեսուելացի ժողովրդի շահերին համապատասխան՝ ԱՄՆ կառավարության հայեցողությամբ»։
Չի հստակեցվում, թե նավթի ինչ ծավալ է վաճառվել։
Պաշտոնյան հավելել է, որ Վաշինգտոնը մտադիր է ապագայում վենեսուելական նավթի վաճառքից ստացված միջոցները փոխանցել ԱՄՆ-ում ստեղծված հատուկ ֆոնդ։ Այնուհետև, ամերիկյան կողմի թույլտվությամբ, այդ գումարները կփոխանցվեն հանրապետության իշխանություններին։
Հանրապետության փոխնախագահ Դելսի Ռոդրիգեսը հունվարի վերջին հայտարարել էր, որ Վենեսուելան ստացել է «առաջին 300 միլիոն դոլարը՝ 500 միլիոնից», նավթի վաճառքից։ Ինչպես հետևում է գործակալության հրապարակումից, ԱՄՆ-ը այժմ վճարել է մնացած 200 միլիոն դոլարը։
