Եթե ԱՄՆ-ը հարվածի Իրանին, կսկսվի տարածաշրջանային պատերազմ, հայտարարել է Իրանի գերագույն առաջնորդ Ալի Խամենեին։ «Ամերիկացիները պետք է իմանան, որ եթե պատերազմ սկսեն, այս անգամ դա կլինի տարածաշրջանային պատերազմ»,-Խամենեիի խոսքերն է մեջբերում Tasnim լրատվական գործակալությունը։
Վերջին շաբաթներին ԱՄՆ նախագահ Դոնալդ Թրամփը բազմիցս հույս է հայտնել, որ կկարողանա համաձայնության գալ Թեհրանի հետ վիճելի հիմնական հարցերի շուրջ:
Այս հայտարարությունները հնչում են Իրանի մոտակայքում ամերիկյան զգալի ուժերի կենտրոնացման ֆոնին: ԱՄՆ ներկայիս վարչակազմը պահանջում է, որ Թեհրանը, ի թիվս այլ բաների, հրաժարվի իր միջուկային ծրագրից և սահմանափակի իր հրթիռային ծրագիրը։
