ԱՄՆ-ի կողմից Իրանին հնարավոր հարվածի շուրջ ստեղծված իրավիճակը կքննարկվի Թուրքիայի նախարարների կաբինետի նիստում, որը երկուշաբթի կանցկացվի նախագահ Ռեջփ Թայիփ Էրդողանի նախագահությամբ։ Այդ մասին «ՌԻԱ Նովոստի»-ին հայտնել է թուրքական դիվանագիտական աղբյուրը։
Ավելի վաղ Axios պորտալը՝ հղում անելով իր աղբյուրներին, հայտնել էր, որ Թուրքիան, Եգիպտոսը և Կատարը աշխատում են ԱՄՆ նախագահի հատուկ ներկայացուցիչ Սթիվ Ուիթքոֆի և Իրանի բարձրաստիճան ներկայացուցիչների հանդիպման կազմակերպման ուղղությամբ, որը կարող է տեղի ունենալ Անկարայում հաջորդ շաբաթ։
Միևնույն ժամանակ, Թուրքիայի մայրաքաղաքում գտնվող աղբյուրը «ՌԻԱ Նովոստի»-ին հայտնել է, որ թուրքական կողմը կոնկրետ տեղեկատվություն չունի Անկարայում Ուիթքոֆի և Իրանի ներկայացուցիչների հնարավոր հանդիպման նախապատրաստման վերաբերյալ։
