Չինաստանը համաձայնել է վերացնել մի քանի բրիտանացի պատգամավորների նկատմամբ նախկինում սահմանված պատժամիջոցները Պեկինի քննադատության համար, հայտարարել է Մեծ Բրիտանիայի վարչապետ Քիր Սթարմերը Չինաստան կատարած այցի ժամանակ։ «Ես բարձրացրել եմ այս հարցը, և մենք քննարկել ենք այն։ Արդյունքում, չինացիները հստակեցրել են, որ սահմանափակումները այլևս ուժի մեջ չեն։
Նախագահ Սի Ծինփինն ասել է, որ սա նշանակում է, թե բոլոր խորհրդարանականներն ազատ են Չինաստան այցելելու հարցում», – ասել է Սթարմերը Sky News-ին։ Պատժամիջոցների տակ գտնվող բրիտանացի պատգամավորները նախկինում հայտարարել էին, որ չեն ցանկանում, որ պատժամիջոցները վերացվեն, որպեսզի դրանք չդառնան «գործարքի առարկա» Չինաստանի հետ հարաբերություններում։
Sky News-ի աղբյուրների համաձայն, Լոնդոնը մտադիր չէ վերացնել բրիտանական պատժամիջոցների ենթարկված չինացի պաշտոնյաների նկատմամբ սահմանափակումները՝ պատժամիջոցների վերացման դիմաց։
