Հնդկաստանի վարչապետ Նարենդրա Մոդին հեռախոսազրույց է ունեցել Վենեսուելայի նախագահի լիազոր ներկայացուցիչ Դելսի Ռոդրիգեսի հետ, որի ընթացքում քննարկվել են երկրների միջև երկկողմ հարաբերությունների զարգացման հեռանկարները։
«Խոսեցի Վենեսուելայի նախագահի լիազոր ներկայացուցիչ Դելսի Ռոդրիգեսի հետ։ Մենք պայմանավորվեցինք շարունակել մեր երկկողմ գործընկերության խորացումն ու ընդլայնումը բոլոր ոլորտներում՝ առաջնորդվելով առաջիկա տարիներին հնդկա-վենեսուելական հարաբերությունները նոր մակարդակի բարձրացնելու ընդհանուր տեսլականով»,-գրել է Մոդին X սոցիալական հարթակում։
Հունվարի 3-ին Միացյալ Նահանգները հարձակվել է Վենեսուելայի քաղաքացիական և ռազմական օբյեկտների վրա։ Բոլիվարիական Հանրապետության արտաքին գործերի նախարար Իվան Խիլ Պինտոն Վաշինգտոնի գործողությունները որակել է որպես ռազմական ագրեսիա։
Երկրում հայտարարվել է արտակարգ դրություն։
