ՀՀ վարչապետ Նիկոլ Փաշինյանի դուստրը՝ Մարիամ Փաշինյանը, սկսել է բիզնես գործունեություն ծավալել։ 2025-ի սեպտեմբերի 18-ին նա հիմնադրել և ղեկավարում է «ԱԹԼԻՔՍ» ՓԲ ընկերությունը։
Factor.am-ն իրավաբանական անձանց պետական ռեգիստրից տեղեկացավ, որ Մարիամ Փաշինյանին է պատկանում «ԱԹԼԻՔՍ»-ի 50% բաժնեմասը։ Նրա գործընկերը և մյուս 50%-ի սեփականատերը Դիանա Արզումանյանն է։
«Վերջինս նաև «Օրիոն Վորլդվայդ Իննովեյշնս» ՍՊԸ-ի համահիմնադիրն է, որը 2022-ին տեխնոլոգիական համաժողով էր կազմակերպել Երևանում։ Դրան ներկա էին փոխվարչապետ Մհեր Գրիգորյանը, այն ժամանակ ԲՏԱ նախարար Ռոբերտ Խաչատրյանը, ԿԲ նախագահ Մարտին Գալստյանը և այլք։
«ԱԹԼԻՔՍ»-ի գործունեության ոլորտը ծառայությունների մատուցումն է»,– գրում է լրատվամիջոցը։
