ԱՄՆ նախագահ Դոնալդ Թրամփը ստորագրել է գործադիր հրամանագիր, որով արտակարգ դրություն է հայտարարում՝ Կուբայի կողմից «ազգային անվտանգությանը սպառնացող սպառնալիքի» պատճառով: Փաստաթուղթը թույլատրում է լրացուցիչ մաքսատուրքեր սահմանել այն երկրներից եկող ապրանքների վրա, որոնք վաճառում կամ այլ կերպ նավթ են մատակարարում Կուբա:
Սպիտակ տան հայտարարության մեջ նշվում է , որ Կուբայի իշխանությունները «համագործակցում են բազմաթիվ թշնամական երկրների հետ»՝ իրենց տարածքում տեղակայելով նրանց ռազմական և հետախուզական օբյեկտները:
«Օրինակ, Կուբայում է գտնվում Ռուսաստանի ամենամեծ արտասահմանյան էլեկտրոնային հետախուզության կենտրոնը, որը զբաղվում է Միացյալ Նահանգներից ազգային անվտանգության վերաբերյալ զգայուն տեղեկատվության գողությամբ», – ասել են Սպիտակ տանը:Զեկույցում նաև նշվում է, որ Կուբան ապաստան է տրամադրում այնպիսի ահաբեկչական խմբավորումների, ինչպիսիք են ՀԱՄԱՍ-ը և Հեզբոլլահը։
