Թուրքիայի արտգործնախարար Հաքան Ֆիդանը հայտարարել է, որ իր երկիրը դեմ է Իրանի հետ կապված խնդիրները ուժային ճանապարհով լուծելու որոշմանը և հորդորել է Վաշինգտոնին ու Թեհրանին նստել բանակցությունների սեղանի շուրջ։
«Բանակցությունները նաև կբացեն ճանապարհ Իրանի նկատմամբ սահմանափակումների վերացման և նրա համաշխարհային տնտեսական համակարգում ինտեգրման համար։ Այս քայլերը նշանակալի օգուտ կբերեն բոլոր կողմերին։ Ներկա փուլում հարաբերությունները պետք է նորմալացվեն նոր համաձայնագրի հիման վրա։ Մենք բազմիցս հայտարարել ենք մեր բոլոր զրուցակիցներին, որ դեմ ենք Իրանում ռազմական միջամտությանը։
Եվ կրկին ընդգծում ենք, որ դեմ ենք ռազմական տարբերակների կիրառմանը խնդիրների լուծման համար և չենք կարծում, որ դա մեծ օգուտ կտա։ Մենք կողմ ենք բանակցություններին և դիվանագիտությանը»,-ասել է նա Ստամբուլում կայացած մամուլի ասուլիսի ժամանակ՝ Իրանի արտգործնախարար Աբբաս Արաղչիի հետ հանդիպման ընթացքում։
