Չինաստանը հանդես է գալիս Կուբայի ժողովրդի գոյության և զարգացման իրավունքից զրկելուն ուղղված անմարդկային գործողությունների դեմ։ Այդ մասին ճեպազրույցի ընթացքում հայտարարել է Չինաստանի Ժողովրդական Հանրապետության արտաքին գործերի նախարարության պաշտոնական ներկայացուցիչ Գո Ցզյակունը՝ մեկնաբանելով ԱՄՆ-ի կողմից Հավանայի նկատմամբ կիրառված նոր միջոցները։
«Չինաստանը վճռականորեն աջակցում է Կուբային իր ազգային ինքնիշխանությունն ու անվտանգությունը պաշտպանելու գործում, դեմ է հանդես գալիս կղզի պետության ներքին գործերին արտաքին միջամտությանը և խստորեն դատապարտում է այն անմարդկային գործողությունները, որոնք կուբայական ժողովրդին զրկում են գոյատևման և զարգացման իրավունքից», — նշել է նա։
Հունվարի 29-ին ԱՄՆ նախագահ Դոնալդ Թրամփը ստորագրել է հրամանագիր, որի համաձայն Վաշինգտոնը կարող է մաքսատուրքեր սահմանել այն պետություններից ներմուծվող ապրանքների նկատմամբ, որոնք նավթ են մատակարարում Կուբա։ Փաստաթուղթը հրապարակվել է Սպիտակ տան պաշտոնական կայքում։
