ԱՄՆ նախագահի կամ փոխնախագահի պաշտոնում առաջադրված բոլոր ամերիկացիները պարտավոր են ճանաչողական թեստ հանձնել: Նախագահական ընտրությունների նախաշեմին նման կարծիք է հայտնել հանրապետական թեկնածու Դոնալդ Թրամփը։
«Կարծում եմ, որ բոլոր նրանք, ովքեր կառաջադրվեն նախագահի կամ փոխնախագահի պաշտոնում, պետք է թեստեր անցնեն: Ես նկատի չունեմ տարիքը: Մեծագույն առաջնորդներից շատերը 80-ականներին իրենց ծաղկուն տարիքում են եղել փորձի շնորհիվ»,- ասել է քաղաքական գործիչը լրագրող Կարլսոն Թաքերին տված հարցազրույցում: Զրույցը տեղի է ունեցել Գլենդենում (Արիզոնա)՝ հանդիսատեսի ներկայությամբ։
Թրամփը հերթական անգամ կասկածել է նախընտրական մրցավազքում իր մրցակցի՝ ԱՄՆ փոխնախագահ Քամալա Հարիսի մտավոր կարողության վրա։
Հոկտեմբերի 28-ին Հարրիսը հայտարարել էր իր ճանաչողական կարողությունները ստուգելու պատրաստակամության մասին՝ պայմանով, որ հակառակորդը ևս դա կանի։
