Չինաստանի իշխանությունները մեծ ներուժ են տեսնում Մեծ Բրիտանիայի հետ համագործակցության մեջ և պատրաստ են քննարկել բրիտանական քաղաքացիների համար առանց վիզայի մուտքի ռեժիմի սահմանման հարցը։ Այդ մասին հայտարարել է ՉԺՀ նախագահ Սի Ծինփինը։
«Չինաստանը պատրաստ է համագործակցել Մեծ Բրիտանիայի հետ՝ առաջնորդվելով լայն պատմական հեռանկարով, հաղթահարելով տարաձայնությունները, ցուցաբերելով փոխադարձ հարգանք և չին-բրիտանական համագործակցության մեծ ներուժը վերածելով նշանակալի ձեռքբերումների, որոնք կփոխեն իրավիճակը դեպի լավը», — Սի Ծինփինի խոսքերն է փոխանցում Չինաստանի Կենտրոնական հեռուստատեսությունը։ Նա այս հայտարարությունն արել է Մեծ Բրիտանիայի վարչապետ Քիր Սթարմերի հետ հանդիպման ժամանակ, որը տեղի է ունեցել Պեկինում՝ Ժողովրդական ժողովների տանը (խորհրդարան)։
Ինչպես նշել է Չինաստանի ղեկավարը, Պեկինը պատրաստ է «ակտիվորեն դիտարկել բրիտանական քաղաքացիների համար միակողմանի առանց վիզայի ռեժիմի ներդրման հնարավորությունը»։
Սի Ծինփինը նշել է, որ աշխարհում իրավիճակը չափազանց անկայուն է, ուստի Չինաստանը և Մեծ Բրիտանիան՝ որպես ՄԱԿ-ի Անվտանգության խորհրդի մշտական անդամներ և առաջատար տնտեսություններ, պետք է ամրապնդեն երկխոսությունն ու համագործակցությունը թե՛ անվտանգության ոլորտում, թե՛ երկու երկրների զարգացման խթանման հարցում։ Նրա խոսքով՝ Պեկինի և Լոնդոնի բարենպաստ հարաբերությունները ձեռնտու են ոչ միայն երկու երկրներին, այլև ողջ միջազգային հանրությանը։
