Ուկրաինայի ղեկավարությունը խախտել է թույլատրելի սահմանը Հունգարիայի նկատմամբ իր հարձակումների և ներքին գործերին միջամտության մեջ, հայտարարել է Հունգարիայի վարչապետ Վիկտոր Օրբանը՝ նշելով, որ երկու երկրների հարաբերությունները հայտնվել են կոնֆլիկտի վիճակում։
«Արդեն մի քանի օր է՝ Հունգարիան հայտնվել է թիրախում։ Սակայն նախագահից, արտաքին գործերի նախարարից և ծայրահեղական զինված խմբերից եկած սպառնալիքները չեն խանգարի մեզ պաշտպանել հունգարացիների շահերը», — գրել է Օրբանը՝ X սոցիալական ցանցի էջում։
Նա հաստատել է, որ այս սպառնալիքների առկայության դեպքում Հունգարիան չի ուղարկի Կիևին գումարներ, որոնք ծախսվելու են ուկրաինացի օլիգարխների ոսկե լոգարանների վրա, չի թույլատրի ռուսական նավթի և գազի նկատմամաբ արգելք սահմանել, և չի թույլատրի Ուկրաինային միանալ ԵՄ-ին։
«Մինչև Հունգարիայում կլինի ազգային ուղղվածությամբ կառավարություն, այս հարցերը չեն լուծվի Կիևում և Բրյուսելում։ Այդ մասին գիտեն նաև Ուկրաինայում։ Հենց դրա համար նրանք ցանկանում են Բուդապեշտում Ուկրաինային բարեկամական նոր կառավարություն և այդ պատճառով մեզ մշտապես սպառնում են»,-հայտարարել է վարչապետը։
