Ռուսաստանին խնդրում են դադարեցնել Ուկրաինայի ենթակառուցվածքներին հարվածելը, սակայն Ռուսաստանի դեմ անօդաչու թռչող սարքերի հարձակումները շարունակվում են։ Կրեմլի կայքի հաղորդմամբ՝ այս մասին հայտարարել է Ռուսաստանի նախագահ Վլադիմիր Պուտինը Լենինգրադի մարզի ղեկավար Ալեքսանդր Դրոզդենկոյի հետ հանդիպման ժամանակ։
Զրույցի ընթացքում մարզի ղեկավարը նշել է, որ տարածաշրջանում ավարտվել է անօդաչու թռչող սարքերի հարձակումներից պաշտպանվելու նպատակով 17 օբյեկտներից 16-ի շինարարությունը։ Դրոզդենկոն ընդգծել է, որ անօդաչու թռչող սարքերի հարձակումները դեռևս շարունակվում են։
«Այո։ ... Իսկ մեզ խնդրում են չանել դա», - ասել է Պուտինը։
