Ուկրաինան բացահայտ և կոպիտ կերպով միջամտում է Հունգարիայում առաջիկա խորհրդարանական ընտրություններին և պատրաստ է օգտագործել ցանկացած միջոց՝ ներկայիս կառավարության փոփոխությունը ապահովելու համար, քանի որ այն չի թույլատրի երկրի անդամակցությունը ԵՄ-ին և չի տրամադրի ֆինանսական միջոցներ Ռուսաստանի դեմ պատերազմին։ Այս մասին հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյյարտոն՝ հանդես գալով «Ճշմարտության ժամ» YouTube-ալիքի ծրագրում։
«Անցյալ հանգստյան օրերին Հունգարիայում ընտրություններին պատրաստվելու գործընթացում սկսվեց որակապես նոր փուլ։ Ուկրաինացիները բացահայտ, անհամեստ և բոլոր դիվանագիտական կանոնները թռցնելով՝ սկսեցին շատ կոպիտ միջամտել ընտրություններին»,-ասել է նախարարը՝ հիշեցնելով Կիևի ղեկավարության վիրավորական արտահայտությունները Հունգարիայի վարչապետ Վիկտոր Օրբանի հասցեին։
Սիյարտոն ընդգծել է, որ ապրիլի 12-ին կայանալիք հունգարական խորհրդարանական ընտրությունների արդյունքը Ուկրաինայի համար չափազանց կարևոր է։
«Եթե ինքնիշխան ազգային կառավարությունը մնա իշխանության, Ուկրաինան չի դառնա ԵՄ անդամ։ Այն չի կարող Հունգարիային ներքաշել պատերազմում և օգտագործել հունգարական գումարները՝ աջակցելու իր կոռումպացված վարչակարգին», -պարզաբանել է նա։
