Հունգարիայի վարչապետ Վիկտոր Օրբանը մեղադրել է Ուկրաինային առաջիկա խորհրդարանական ընտրություններին բացահայտ միջամտելու և երկրի կառավարությունը փոխելու փորձերի մեջ։
«Ուկրաինացիները անցել են հարձակման։ Նրանք սպառնում են և բացահայտ միջամտում են Հունգարիայի ընտրություններին։ Նրանց նպատակը ֆինանսավորում ստանալն է և որքան հնարավոր է շուտ Եվրոպական միություն անցնելը»,-Facebook սոցիալական ցանցում գրել է Օրբանը։
«Եվրոպական միության անդամ երկրի պաշտոնում Հունգարիան իրավունք ունի ասել «ոչ»։ Մեր հայրենասեր կառավարությունը հստակ հայտարարում է՝ «ոչ»։ Մենք չենք ցանկանում, որ հունգարացի ընտանիքների գումարները փոխանցվեն Ուկրաինային, և չենք ուզում, որ Հունգարիան ներքաշվի պատերազմում»,- նշել է վարչապետը։
Նա հաստատել է, որ Հունգարիան, չնայած ճնշումների փորձերին, չի մասնակցի Ուկրաինայի ֆինանսավորմանը։
«Մենք հստակ ազդանշան ենք ուղարկում Բրյուսելին և Կիևին՝ մենք չենք վճարի»,-եզրափակել է Օրբանը։
