Եվրոպական առաջնորդները երկար ժամանակ փորձում են համոզել ԱՄՆ նախագահ Դոնալդ Թրամփին Ուկրաինա ամերիկյան զորքեր ուղարկելու անհրաժեշտության մեջ, գրում է եվրոպական Politico թերթը։
Դրա տվյալներով՝ Ֆրանսիայի նախագահ Էմանյուել Մակրոնը, Գերմանիայի կանցլեր Ֆրիդրիխ Մերցը և Մեծ Բրիտանիայի վարչապետ Քիր Սթարմերը անթիվ ժամեր են ծախսել՝ փորձելով համոզել Դոնալդ Թրամփին և նրա թիմին Ուկրաինայի համար անվտանգության երաշխիքների ձևավորման անհրաժեշտության մեջ՝ երկրի տարածքում ամերիկյան զինվորական զորախմբի տեղակայման հիման վրա։
Հունվարի 6-ին «ցանկացողների կոալիցիայի» խորհրդակցության արդյունքներով Ֆրանսիայի նախագահ Էմանուել Մակրոնը, Մեծ Բրիտանիայի վարչապետ Քիր Սթարմերը և Վլադիմիր Զելենսկին ստորագրել են հռչակագիր՝ հակամարտության ավարտից հետո Ուկրաինայում բազմազգ զորախումբ տեղակայելու մտադրության մասին։
