Ռուսաստանի նախագահ Վլադիմիր Պուտինը և ԱՄՆ հատուկ բանագնաց Սթիվ Ուիթքոֆը Կրեմլում բանակցությունների ընթացքում քննարկել են «Խաղաղության խորհուրդ» ստեղծելու հարցերը Գազայի համար և Գրենլանդիայի շուրջ իրավիճակը, հայտնել է Ռուսաստանի նախագահի օգնական Յուրի Ուշակովը։
«Կրեմլում հանդիպման ընթացքում քննարկվել են նաև ԱՄՆ նախագահ Դոնալդ Թրամփի նախաձեռնությունը «Խաղաղության խորհուրդ» ստեղծելու վերաբերյալ, ինչպես նաև մի շարք տարածաշրջանային հարցեր և Գրենլանդիայի շուրջ իրավիճակը», — լրագրողներին ասել է Ուշակովը։
Ռուսական կողմից բանակցություններին, Ուշակովից բացի, մասնակցել է նաև Ռուսաստանի նախագահի հատուկ ներկայացուցիչ, հումանիտար–տնտեսական համագործակցության հարցերով օտարերկրյա պետությունների հետ Կիրիլ Դմիտրիևը։ Ամերիկյան կողմից մասնակցել են Affinity Partners ընկերության հիմնադիր Ջարեդ Քուշները և Սպիտակ տան ավագ խորհրդական, ԱՄՆ Ընդհանուր ծառայությունների վարչության գնումների հանձնաժողովի կոմիսար Ջոշ Գրյունբաումը։
