Վրաստանի իշխանությունները վերջին չորս տարիների ընթացքում կարողացել են կանխել հինգ հեղափոխության փորձ և շարունակում են ապահովել երկրի խաղաղությունն ու կայունությունը, հայտարարել է Վրաստանի վարչապետ Իրակլի Կոբախիձեն։
«Հիմնականը, որի համար մենք պատասխանատու ենք, դա երկրի խաղաղությունն է։ Այս ոլորտում մենք նույնպես մեծ առաջընթաց ունենք․ հիշեք, որ 4 տարվա ընթացքում երկրում տեղի է ունեցել հինգ հեղափոխության փորձ, և մենք կարողացանք բերել խաղաղություն մեր քաղաքական կյանքում», — ասել է Կոբախիձեն Imedi վրացական հեռուստաընկերությանը տված հարցազրույցում։
Նրա խոսքով՝ հանրապետության իշխանությունները պատասխանատու են նաև տնտեսական զարգացման համար, որը անհնար է առանց խաղաղության և կայունության։ «Մեզ մոտ շատ լավ տվյալներ են, մենք Եվրոպայում առաջին տեղում ենք 5 տարվա տնտեսական աճի տեմպերով։
5 տարվա ընթացքում Վրաստանում միջին տարեկան տնտեսական աճը կազմել է 9,3%, որի համարժեքը Եվրոպայում չկա։ Մենք տնտեսական աճի տեմպերով առաջին տեղում ենք։ Մենք միակ ուժն ենք, որը կարող է պահպանել խաղաղությունը, ապահովել հանգստություն և խթանել տնտեսական զարգացումը Վրաստանում», — հավելել է նա։
