ԱՄՆ նախագահ Դոնալդ Թրամփը ենթադրել է, որ Վաշինգտոնին արժե փորձության ենթարկել ՆԱՏՕ-ի դաշնակիցներին և փորձել նրանց ներգրավել Մեքսիկայի հետ սահմանը անօրինական միգրանտներից պաշտպանելու գործում։
«Հնարավոր է՝ մեզ պետք է ՆԱՏՕ-ին փորձության ենթարկել. կիրառել 5-րդ հոդվածը և ստիպել ՆԱՏՕ-ին գալ ու պաշտպանել մեր հարավային սահմանը անօրինական ներգաղթյալների ներխուժումից՝ այդպիսով ազատելով մեծ թվով սահմանապահների այլ խնդիրներ կատարելու համար», — գրել է Թրամփը Truth Social սոցիալական ցանցում։
Հյուսիսատլանտյան պայմանագրի հինգերորդ հոդվածը նախատեսում է հավաքական պատասխան զինված հարձակման դեպքում ՆԱՏՕ-ի մեկ կամ մի քանի անդամ պետությունների նկատմամբ։
