Թուրքիայի արտգործնախարար Հաքան Ֆիդանը կներկայացնի Թուրքիան ԱՄՆ-ի նախաձեռնությամբ կազմակերպված «Խաղաղության խորհրդում»՝ Գազայի հատվածում ստեղծված իրավիճակը կարգավորելու համար, հայտարարել է Թուրքիայի նախագահ Ռեջեփ Թայիփ Էրդողանը։
«Հաքան Ֆիդանը Թուրքիայի անունից կմասնակցի Գազայի հարցով «Խաղաղության խորհրդին», - նախագահի խոսքերն է մեջբերում TRT Haber-ը։
Գազայի հարցով «Խաղաղության խորհրդին» միանալու հրավերներ են ուղարկվել բազմաթիվ օտարերկրյա առաջնորդների, այդ թվում՝ Ռուսաստանի նախագահ Վլադիմիր Պուտինին։
ԱՄՆ նախագահ Դոնալդ Թրամփը մտադիր է նախագահել այս միջազգային մարմինը, որը, համաձայն Իսրայելի և արմատական պաղեստինյան ՀԱՄԱՍ շարժման միջև կնքված համաձայնագրերի, պետք է ստանձնի Գազայի հատվածի վերահսկողությունը։
