Էստոնիան Ուկրաինայում հակամարտության սկսվելուց ի վեր նրան տրամադրել է ռազմական օգնություն՝ 805 միլիոն եվրոյի չափով, հայտնում է ERR հեռառադիոհեռուստաընկերությունը՝ հղում կատարելով Էստոնիայի պաշտպանության նախարարության մամուլի քարտուղար Ինես Էդուրին։
Ռուսիան կարծում է, որ զինտեխնիկայի մատակարարումը Ուկրաինային խոչընդոտում է կարգավորմանը, ՆԱՏՕ-ի երկրներին ուղղակիորեն ներքաշում է հակամարտության մեջ և «խաղ է կրակի հետ»։ Ռուսաստանի ԱԳ նախարար Սերգեյ Լավրովը նշել է, որ Ուկրաինայի համար նախատեսված ցանկացած զինամթերք կդառնա Ռուսաստանի օրինական նպատակակետ։ Կրեմլում հայտարարել են, որ Ուկրաինային Արևմուտքի կողմից զենքի մատակարարումը չի նպաստում բանակցություններին և կունենա բացասական հետևանք։
«2022 թվականի սկզբից մենք Ուկրաինային տրամադրել ենք 805 միլիոն եվրոյի ռազմական օգնություն։ Եթե այստեղ ընդգրկվեն Պաշտպանական ուժերի ծախսերը, որոնք կապված են Ուկրաինային օգնության տրամադրման հետ (Էստոնիայի զինված ուժերի կողմից ՈւԿՀ մոտ 1,5 հազար զինծառայողների ուսուցումը), ապա ընդհանուր գումարը կկազմի 815 միլիոն եվրո», — նշել է Էդուրը։
