Սիրիայի ժամանակավոր նախագահ Ահմեդ ալ-Շարայի հետ հեռախոսազրույցում Թուրքիայի նախագահ Ռեջեփ Թայիփ Էրդողանը հայտարարել է Սիրիայի տարածքն ահաբեկչությունից ամբողջությամբ ազատագրելու անհրաժեշտության մասին։«Մեր նախագահ Ռեջեփ Թայիփ Էրդողանը հեռախոսազրույց է ունեցել Սիրիայի նախագահ Ահմեդ ալ-Շարաայի հետ։
Քննարկումը կենտրոնացած էր երկկողմ հարաբերությունների, ինչպես նաև Սիրիայում տեղի ունեցող վերջին զարգացումների վրա։Նախագահը շեշտել է, որ Թուրքիան մեծ նշանակություն է տալիս Սիրիայի տարածքային ամբողջականությանը, միասնությանը, համերաշխությանը, կայունությանը և անվտանգությանը։
Նա նշել է, որ սիրիական տարածքի լիակատար ազատագրումը ահաբեկչությունից կարևոր է ինչպես Սիրիայի, այնպես էլ ամբողջ տարածաշրջանի համար», – հաղորդել է Էրդողանի գրասենյակը։Թուրք առաջնորդը նաև նշել է, որ «Թուրքիայի աջակցությունը Սիրիային, մասնավորապես՝ ահաբեկչության դեմ պայքարում, կշարունակի ամրապնդվել»։
Զրույցը տեղի է ունեցել Սիրիայի զինված ուժերի կողմից քրդական «Սիրիական ժողովրդավարական ուժեր» կոալիցիայի դեմ գործողության և հունվարի 18-ին կողմերի միջև հրադադարի համաձայնագրի կնքման ֆոնին։
